Umuturage wo mu Karere ka Nyaruguru yorojwe anashyikirizwa inzu yarenga miriyoni 11 yubakiwe n'abatwara amakamyo

Kuri uyu wa gatandatu tariki 20 Ukuboza 2025, Sendika y'Abashoferi batwara amakamyo manini yambukiranya imipaka ndetse n'akorera imbere mu gihugu (ACPLRWA) yashyikirije inzu umuturage wo mu Karere ka Nyaruguru utuye mu Murenge wa Ngera.

Ni inzu yubakiwe uwarokotse Jenoside yakorewe Abatutsi muri 1994 utishoboye muri gahunda y' INTANGO Y'UBUDAHERANWA yatangirijwe muri ako karere n'umuryango IBUKA Rwanda, kuwa 29 Werurwe uyu mwaka.

Mu gushyigikira gahunda y'Umukuru w'igihigu ya GIRA INKA munyarwanda, uyu muturage yorojwe inka ifite agaciro karenga ibihumbi 750,000fr kugirango izamukamirwe ndetse azoroze n'abandi.

Havugimana Innocent yashimiye abashoferi bishatsemo ubushobozi bwarenga miriyoni 11 bakamwubakira ndetse bakamworoza.

Ubuyobozi bw'umurenge wa Ngera bwavuzeko igikorwa cyakozwe n'abatwara amakamyo ari inyongera kuruhare bagira mu iterambere ry'igihugu binyuze mu bicuruzwa bazana.

Uyu mushyitsi mukuru yasabye umugenerwa bikorwa kwita kuri iyi nzu ndetse n'inka yorojwe bityo akazabasha no gufasha abandi.

Uyu muyobozi, yabwiye abatwara amakamyo ko yishimiye no kubonamo abigitsina gore asezeranya amakamyo ubufatanye bwa Leta by'umwihariko akarere ka Nyaruguru no mubindi bikorwa.

Ni umuhango witabiriwe n'inzego za leta zirimo ubuyobozi bw'Umurenge wa NGERA, Vice Perezida wa Ibuka mu karere ka Nyaruguru ndetse n'umuyobozi ushinzwe imiyoborere mu Karere ka Nyaruguru wibukije ko bashimishijwe n'inkunga ndetse n'umufatanya bikorwa Akarere ka Nyaruguru kungutse.